విజయవాడ: సవాళ్లు, ప్రతిసవాళ్లతో నవ నిర్మాణ దీక్షలు జరుగుతున్నాయని ,టీడీపీ రాజకీయం చేస్తోందని సీపీఎం, సీపీఐ నేతలు మధు, రామకృష్ణ విమర్శించారు. గురువారం మీడియాతో మాట్లాడుతూ దీక్షల పేరుతో ఇతర పార్టీలపై దుమ్మెత్తిపోస్తున్నారని మండిపడ్డారు. చంద్రబాబు నాలుగేళ్ల పాలనపై చార్జిషీట్ పెడతామని తెలిపారు. ఏపీలో అవినీతి పాలన సాగుతోందని మధు, రామకృష్ణ ఆరోపించారు.

అమరావతి: గత రెండు రోజులుగా పడుతున్న వర్షాలతో పంటకుంటలు నిండాయని, ఊరూరా జలకళ ఉట్టిపడుతోందని, రైతుల కళ్లల్లో ఆనందం కనిపిస్తోందని ముఖ్యమంత్రి చంద్రబాబు అన్నారు. నవ నిర్మాణ దీక్ష ఆరో రోజు నిర్వహణపై ఉండవల్లిలోని తన నివాసంలో సీఎం టెలీ కాన్ఫరెన్స్ నిర్వహించారు. ఇందులో జిల్లాల కలెక్టర్లు, అధికారులు, ప్రజాప్రతినిధులు పాల్గొన్నారు.

హైదరాబాద్‌: నైరుతి రుతుపవనాల వల్ల రానున్న 48గంటల్లో కర్నాటకలోని దక్షిణ ప్రాంతం, రాయలసీమ, కోస్తాంధ్రకు భారీ వర్ష సూచన ఉన్నట్టు భారత వాతావరణ శాఖ వెల్లడించింది. కేరళ, కర్ణాటక, మహారాష్ట్ర, గోవా, గుజరాత్ రాష్ట్రాలకు ఐఎండీ భారీ వర్ష హెచ్చరికలు జారీ చేసింది. నేటి నుంచి 12వ తేదీ వరకు కొంకన్, గోవా, మధ్య మహారాష్ట్రలోని పలు ప్రాంతాల్లో భారీ వర్షాలు కురిసే అవకాశం ఉందని వెల్లడించింది.

హైదరాబాద్: నగరంలోని ఉప్పల్ మెట్రో సమీపంలోని హెచ్‌ఎండీఏ లేఅవుట్‌లో చెట్టుకు ఉరివేసుకొని ఆత్మహత్యకు పాల్పడిన వ్యక్తి సాఫ్ట్‌వేర్ ఉద్యోగిగా గుర్తించారు. స్థానికుల సమాచారం మేరకు ఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తు చేస్తున్నారు. పూర్తి వివరాలు తెలియాల్సి ఉంది.