హైదరాబాద్, జూన్ 6: గోదావరి నదీ జలాల పంపిణీ తరహాలో కృష్ణానది జలాల పంపిణీకి నియమావళి ఏర్పాటు చేయనున్నట్టు కృష్ణనది యాజమాన్య బోర్డు నిర్ణయించింది. నియమావళిని తయారు చేశాక తెలంగాణ, ఆంధ్రప్రదేశ్ ఇరు రాష్ట్రాలకు అందజేయనున్నట్టు బోర్డు తెలిపింది. నియమావళి ప్రకారమే ఇరు రాష్ట్రాలు నడుచుకోవాల్సి ఉంటుందని బోర్డు స్పష్టం చేసింది.

హైదరాబాద్, జూన్ 6: తెలంగాణ రాష్ట్ర క్రీడా ప్రాధికార సంస్థ (ఎస్‌ఏటి-శాట్)లో నకిలీ క్రీడా సర్ట్ఫికెట్లను జారీ చేయడం ద్వారా మెడికల్ సీట్ల భర్తీలో అక్రమాలు జరిగినట్లు అందిన ఫిర్యాదు మేరకు అవినీతి నిరోధక శాఖ (ఏసీబీ) పలువురు అధికారులు, కమిటీ సభ్యుల నివాసాల్లో సోదా నిర్వహించారు.

అమరావతి: ఆనంద ఆంధ్రప్రదేశ్‌గా మన రాష్ట్రం రూపొందాలని ముఖ్యమంత్రి చంద్రబాబు ఆకాంక్షించారు. ఐదో రోజు నవ నిర్మాణ దీక్ష నిర్వహణపై ముఖ్యమంత్రి చంద్రబాబు బుధవారం టెలికాన్ఫరెన్స్ నిర్వహించారు. ఐదో రోజు ‘జ్ఞానభూమి-ఉపాధి కల్పన’ అంశంపై చర్చలు నిర్వహించాలని సీఎం చంద్రబాబు అధికారులకు సూచించారు.

సంగారెడ్డి: జిన్నారం మండలం గడ్డిపోతారంలోని పారిశ్రామిక వాడలో అగ్నిప్రమాదం జరిగింది. పారిశ్రామిక వాడలోని మెట్రోకెమ్ పరిశ్రమలో మంటలు ఎగసిపడుతున్నాయి. పరిశ్రమలో మంటలు ఆర్పేందుకు స్థానికులు, అగ్నిమాపక సిబ్బంది యత్నిస్తున్నారు.