ఒంటిమిట్ట, మార్చి 30: కడప జిల్లా ఒంటిమిట్టలో శుక్రవారం సాయంత్రం గాలివాన బీభత్సం సృష్టించింది. అరగంట పాటు ఉధృతంగా వీచిన పెనుగాలలు, వడగండ్ల వానకు కోదండరాముడి ఆలయం పరిసరాలు, కల్యాణవేదిక వద్ద ఏర్పాటు చేసిన రేకులషెడ్లు ఎగిరిపడ్డాయి. ఆలయం వద్ద ఏర్పాటుచేసిన తాత్కాలిక విద్యుత్ స్తంభాలు, టెంట్లు ఎగిరిపడ్డాయి. ఈ బీభత్సకాండలో నలుగురు భక్తులు ప్రాణాలు కోల్పోయారు. మరో 48 మందివరకు గాయపడ్డారు.

విజయవాడ, మార్చి 30: ప్రపంచంలోని 5 అత్యుత్తమ సంతోష నగరాల్లో ఒకటిగా అమరావతిని నిలపడమే లక్ష్యమని సీఎం చంద్రబాబు మరోసారి స్పష్టం చేశారు. గ్రీన్, బ్లూ సిటీగా నిర్మించనున్న అమరావతి ఆంధ్రుల అత్యున్నత సంస్కృతి, సంప్రదాయాలకు ప్రతీక అన్నారు. ప్రజల సంతోష సూచీలో అమరావతిని అంతర్జాతీయ స్థాయిలో అగ్రస్థానంలో నిలబెడతామని తెలిపారు.

కట్‌పల్లి పోలీస్‌స్టేషన్ పరిధిలో రాఘవేంద్రనగర్‌లో భార్య జయదేవి అలియాస్ దేవిని ఆమె భర్త శ్రీనివాస్ గొంతు నులిమి హత్య చేశాడు. స్థానికులు పోలీసులకు సమాచారం అందించారు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. దంపతుల మధ్య తగాదాలే హత్యకు కారణమని పోలీసులు అనుమానిస్తున్నారు.

ప్రొద్దుటూరు: చిత్తూరు జిల్లా ప్రొద్దుటూరులో బ్యాంక్ సొమ్ముతో ఓ ఉద్యోగి పరారయ్యాడు. వివరాల్లోకి వెళితే..ప్రొద్దుటూరుకు చెందిన గురుమోహన్ రెడ్డి రంగసముద్రం ఎస్‌బిఐలో క్యాషయర్‌గా పనిచేస్తున్నాడు. బుధవారం పెళ్లి వేడుకలకు వెళ్లి వస్తానని చెప్పి వెళ్లాడు. సాయంత్రం అయినా రాకపోవటంతో మేనేజర్‌కు అనుమానం వచ్చి ఉన్నతాధికారులకు తెలిపారు. వారు వెంటనే వచ్చి పరిశీలించగా..