హైదరాబాద్ : బడ్జెట్ చప్పగా ఉంది. అంకెల గారడీ అనడం సరికాదని తెలంగాణ ముఖ్యమంత్రి కల్వకుంట్ల చంద్రశేఖర్‌రావు అన్నారు.. రాష్ట్ర రెవెన్యూలో 22 శాతం అభివృద్ధిని సాధించామని తెలిపారు. శాసనమండలిలో బడ్జెట్‌పై చర్చకు సమాధానం చెబుతున్న సందర్భంగా సీఎం మాట్లాడారు.తెలంగాణ మిగులు బడ్జెట్ రాష్ట్రం అని సీఎం కేసీఆర్ ఉద్ఘాటించారు. రాష్ట్ర అభివృద్ధికి ఖర్చు చేస్తే తప్పుబట్టడం సరికాదన్నారు.

హైదరాబాద్: నన్ను చంపేందుకు కేసీఆర్ సర్కార్ కుట్ర చేస్తోందని మాజీమంత్రి కోమటిరెడ్డి వెంకటరెడ్డి పేర్కొన్నారు. శాసనసభ్యత్వం కోల్పోయిన కోమటిరెడ్డితోపాటు సంపత్ బుధవారం ఉదయం ఢిల్లీ వెళ్లారు. వెళ్లేముందు కోమటిరెడ్డి విలేకరులతో మాట్లాడుతూ... మాకు గన్‌మెన్స్ ఉపసంహరణ వెనుక కుట్ర ఉందన్నారు. కేసీఆర్ బుల్లెట్ కంటే నా గుండె గట్టిదన్నారు. కాగా... నేడు మధ్యాహ్నం 3గంటలకు కోమటిరెడ్డి, సంపత్‌ ఈసీని కలవనున్నారు.

నంద్యాల, మార్చి 20: ప్రభుత్వ అనుమతి లేని బీటీ-3 పత్తి విత్తనాలను అక్రమంగా సాగుచేయించడంలో ఆర్గనైజర్లు కీలకపాత్ర పోషిస్తున్నారు. అమాయక రైతులను బుట్టలో వేసుకుని కోట్లాది రూపాయల అక్రమ సంపాదనకు పలు విత్తన కంపెనీలు తెరలేపాయి.

రాజమహేంద్రవరం, మార్చి 20: తూర్పు గోదావరి జిల్లా రాజమహేంద్రవరంలో నంది నాటకోత్సవాల్లో భాగంగా మంగళవారం ఆనం కళాకేంద్రంలో ప్రదర్శించిన సాంఘిక నాటకాలు సందేశాత్మకంగా సాగాయి. ఉదయం ప్రదర్శించిన సుప్రభాతం సాంఘిక నాటిక నేటి తరం మీడియా పోకడలను ఎత్తిచూపింది. సమాజాన్ని చైతన్యపరిచి, ప్రజాసమస్యలకు అద్దంపట్టేలా పత్రికలు ఉండాలని నాటిక చాటిచెప్పింది.