హైదరాబాద్: మాజీ మంత్రి నాగం జనార్ధన్‌రెడ్డి కీలక నిర్ణయం తీసుకున్నారు. నాగర్‌కర్నూలులోని తన అనుచరులతో సుదీర్ఘంగా చర్చించిన అనంతరం ఆయన భారతీయ జనతా పార్టీని వీడాలని నిర్ణయించుకున్నారు. ఈ మేరకు తన రాజీనామా లేఖను పార్టీ జాతీయ అధ్యక్షుడు అమిత్‌షాకు మెయిల్‌లో పంపించినట్టు తెలిసింది. అయితే నాగం పార్టీ వీడటం వల్ల వచ్చిన నష్టం ఏమీ లేదని పార్టీ రాష్ట్ర అధ్యక్షుడు డాక్టర్ కె లక్ష్మణ్ వ్యాఖ్యానించారు.

విజయవాడ, మార్చి 22: ఆర్థిక నేరస్థులకు ప్రధానమంత్రి కార్యాలయం (పీఎంవో) గస్తీ కాస్తోందని ముఖ్యమంత్రి చంద్రబాబు నాయుడు తీవ్ర ఆరోపణలు చేశారు. తాను దేనికైనా రెడీ అని, రాష్ట్రానికి హోదా ఇచ్చి తీరాల్సిందేనని, ఆత్మగౌరవం కాపాడుకోవావని వ్యాఖ్యానించారు. బీజేపీకి అధిష్ఠానం ఢిల్లీలో ఉందని, కానీ తనకు ఐదు కోట్ల ప్రజలే అధిష్ఠానమని స్పష్టం చేశారు.

విజయవాడ: ఏపీకి ప్రత్యేక హోదా, విభజన హామీల సాధన కోసం గురువారం రాష్ట్ర వ్యాప్తంగా చేపట్టిన జాతీయ రహదారుల దిగ్బంధనం పూర్తిగా విజయవంతమైంది. ఏపీ ప్రత్యేక హోదా, విభజన హామీల సాధన సమితి పిలుపులో భాగంగా 13 జిల్లాల్లోని జాతీయ రహదారులతోపాటు వాటికి అనుసంధానంగా ఉన్న రాష్ట్ర రహదారులను అన్ని వర్గాల ప్రజలు స్వచ్ఛందంగా దిగ్బంధించి ఉద్యమకారులకు మద్దతుగా నిలిచారు.

న్యూఢిల్లీ, మార్చి 21: అవినీతి, అక్రమాలకు పాల్పడుతున్న ఆంధ్రప్రదేశ్ ముఖ్యమంత్రి నారా చంద్రబాబు నాయుడును బోనులో నిలబెట్టేంత వరకు ప్రధాన మంత్రి నరేంద్ర మోదీని కలుస్తూనే ఉంటానని వైఎస్‌ఆర్‌సీపీ రాజ్యసభ సభ్యుడు విజయసాయి రెడ్డి ప్రకటించారు. విజయసాయి బుధవారం విలేఖరులతో మాట్లాడుతూ చంద్రబాబు అవినీతితో సంపాదించిన డబ్బును హవాలా ద్వారా విదేశాలకు తరలించినట్లు నరేంద్ర మోదీకి ఫిర్యాదు చేసినట్లు తెలిపారు.