హైదరాబాద్, జనవరి 31: తమ పార్టీ నాయకుడు బొడ్డుపల్లి శ్రీనివాస్ టిఆర్‌ఎస్‌లో చేరనందుకే హత్య చేశారని కాంగ్రెస్ ఎమ్మెల్యే కోమటిరెడ్డి వెంకట రెడ్డి విమర్శించారు. ముమ్మాటికీ ఇది రాజకీయ హత్యేనని ఆయన బుధవారం విలేఖరుల సమావేశంలో అన్నారు. ఈ హత్యపై సిబిఐ విచారణ జరిపించాలని ప్రభుత్వాన్ని ఆదేశించాల్సిందిగా న్యాయ స్థానాన్ని ఆశ్రయించామని ఆయన తెలిపారు. కాల్ డేటా ఇవ్వబోమని సిఎం అనుయాయలు చెబుతున్నారని అన్నారు.

హైదరాబాద్, జనవరి 31: గల్ఫ్‌లో ఇబ్బందులు పడుతున్న కార్మికులను అధికారంలోకి రాగానే ఆదుకుంటామని ఎన్నికలకు ముందు టిఆర్‌ఎస్ ఇచ్చిన వాగ్దానాన్ని నిలబెట్టుకోలేదని టి.పిసిసి ముఖ్య అధికార ప్రతినిధి డాక్టర్ శ్రవణ్ దాసోజు విమర్శించారు. కువైట్ దేశంలో తెలంగాణ వాసులు సుమారు 50 వేల మంది నానా యాతన పడుతున్నారని, దేశ అంబాసిడర్ కార్యాలయం వద్ద పడిగాపులు కాస్తున్నారని ఆయన తెలిపారు.

మేడారం, జనవరి 31: మేడారం జనజాతరకు ఈ ఏడాది విహాంగ వీక్షణంతో కొత్తరూపు సంతరించుకుంది. వరంగల్ నుండి మేడారం జాతరకు విచ్చేందుకు గత రెండు జాతరల నుండి హెలికాప్టర్‌ను అందుబాటులోకి తెచ్చారు. వరంగల్ నుండి మేడారానికి వెళ్లి, తిరిగి వరంగల్‌కు రావడానికి ఒక్కింటికీ 13,999రూపాయలుగా ధరను నిర్ణయించారు.

హైదరాబాద్, జనవరి 30: శాంతి భద్రతల విషయంలో రాజీపడకుండా, చట్టం ప్రకారం విధులు నిర్వహించాలని ఆర్మ్‌డ్ పోలీసు కానిస్టేబుల్స్‌కు హైదరాబాద్ పోలీసు కమిషనర్ వివి శ్రీనివాసరావు పిలుపునిచ్చారు. మంగళవారం ఇక్కడ గోషామహల్‌లో 9 నెలల పాటు పోలీసు ప్రాథమిక శిక్షణను పూర్తి చేసుకుని పూర్తి స్థాయి కానిస్టేబుల్‌గా విధులు నిర్వహించేందుకు 405 మంది ఆర్మ్‌డ్ పోలీసు కానిస్టేబుల్స్‌కు దీక్షాంత్ పరేడ్ నిర్వహించారు.