హైదరాబాద్, మార్చి 18: కేంద్ర ప్రభుత్వం నిధులు కేటాయించినా, అలాంటిది ఏమీ లేదని ముఖ్యమంత్రి కె చంద్రశేఖరరావు పేర్కొని సభా హక్కుల ఉల్లంఘనకు పాల్పడ్డారని బిజెపి శాసనసభాపక్ష నాయకుడు జి కిషన్‌రెడ్డి చెప్పారు. ఈ మేరకు ముఖ్యమంత్రిపై సభా హక్కుల ఉల్లంఘన కింద నోటీసులు ఇచ్చామని, కాపీని స్పీకర్‌కు అందజేశానని అన్నారు.

హైదరాబాద్, మార్చి 18: రైస్ మిల్లుల సామర్థ్యానికి అనుగుణంగా కస్టమ్ మిల్లింగ్ రైస్ కోసం ధాన్యం అప్పగిస్తామని పౌర సరఫరాల శాఖ కమిషనర్ సివి ఆనంద్ తెలిపారు. రబీ ధాన్య సేకరణకు సంబంధించిన ఏర్పాట్లపై శనివారం పౌర సరఫరాల భవన్‌లో రైస్ మిల్లర్లతో సమావేశం నిర్వహించారు. ధాన్యం కేటాయింపులు, గోనె సంచులు వంటి సమస్యలపై చర్చించారు.

హైదరాబాద్, మార్చి 18: తెలంగాణలో పదో తరగతి పరీక్షలు శనివారం ప్రశాంతంగా జరిగాయి. 99.6 శాతం మంది విద్యార్థులు పరీక్షలకు హాజరయ్యారని పరీక్షల కమిషనర్ డాక్టర్ సురేందర్‌రెడ్డి చెప్పారు. కాగా విధుల పట్ల నిర్లక్ష్యంగా వ్యవహరించిన నలుగురు ఇన్విజిలేటర్లను, ముగ్గురు చీఫ్ సూపరింటెండెంట్లను పరీక్షల బాధ్యతల నుండి తొలగించినట్టు ఆయన పేర్కొన్నారు.

హైదరాబాద్, మార్చి 18: మత్స్య కార్మికులకు పంపిణీ చేసేందుకు 28 వేల కోట్ల చేపలను, 24 వేల కోట్ల రూపాయలతో ఖరీదు చేస్తారా?, ఇదేమి విచిత్రం అని కాంగ్రెస్ ఎమ్మెల్యే జి. చిన్నారెడ్డి రాష్ట్ర ప్రభుత్వాన్ని నిలదీశారు. ఆ మేరకు చేపలు ఖరీదు చేశారో లేదో తెలియదు కానీ డబ్బులు మాత్రం విడుదల చేశారని ఆయన విమర్శించారు.