జగ్గయ్యపేట రూరల్, జనవరి 21: వ్యవసాయ రంగ శాస్తవ్రేత్త, పంగనామముల సమాఖ్య చైర్మన్ పంగనామముల వెంకట సూర్యప్రకాశరావు (96) శనివారం ఉదయం 10గంటలకు హైదరాబాదులోని ఒక ప్రైవేటు ఆసుపత్రిలో హృద్రోగంతో కన్నుమూశారు. ఆయన ఆహార ఉత్పత్తి రంగంలో పేరు గాంచిన శాస్తవ్రేత్త. ఆయనకు ఒక కుమార్తె, ముగ్గురు కుమారులు, మనుమలు, మనుమరాండ్రు ఉన్నారు. సతీమణి దుర్గాంబ 2009లో మరణించారు.

విజయనగరం, జనవరి 22: హిరాఖండ్ ఎక్స్‌ప్రెస్ రైలు ప్రమాదంలో మృతులను గుర్తించడంలో సిబ్బంది అయోమయానికి గురయ్యారు. ఈ రైలులో ఇంజిన్ తరువాత జనరల్ బోగీ, స్లీపర్ కోచ్‌లు 2, ఎసి బోగీ, ఎస్ 7, ఎస్ 8 బోగీలు నుజ్జునుజ్జు కావడంతో మృతులను గుర్తించడంలో జాప్యం జరిగింది. మరోపక్క ఈ రైలులో స్లీపర్ కోచ్‌లో కూడా సాధారణ ప్రయాణికులు ఉండటం గమనార్హం. మృతుడి వద్ద పిఎన్‌ఆర్ ఆధారంగా మృతులను కొంతమందిని గుర్తించారు.

హైదరాబాద్, జనవరి 22: సెంట్రల్ పోలీస్ రిజర్వ్ ఫోర్స్ (సిఆర్‌పిఎఫ్)లో 2,945 మంది పోలీస్ ఉద్యోగ ఖాళీల కోసం నోటిఫికేషన్ విడుదలైంది. పదోతరగతి ఉత్తీర్ణులైన వారు ఈ ఉద్యోగాలకు దరఖాస్తులు చేసుకోవచ్చని రిక్రూట్‌మెంట్ బోర్డు తెలిపింది. టెక్నికల్ విభాగాల్లో అదనపు అర్హతలు కలిగిన వారికి ప్రాధాన్యత ఉంటుందని రిక్రూట్‌మెంట్ బోర్డు ప్రకటించింది.

హైదరాబాద్, జనవరి 22:జపాన్‌లోని ఒకటి రెండు నగరాలతో సిస్టర్ సిటీ ఒప్పందాన్ని చేసుకునేందుకు సహకరిస్తామని ఐటి శాఖ మంత్రి కె తారక రామారావుకు అక్కడి భారత రాయబారి సుజన్ చినాయ్ తెలిపారు. తెలంగాణకు పెట్టుబడులు ఆకర్షించేందుకు జపాన్‌లో పర్యటిస్తున్న కెటిఆర్ ఆదివారం సాయంత్రం రాయబారి సుజన్ చినాయ్‌ను కలిశారు. రాష్ట్రంలో భారీ పెట్టుబడులు రాబట్టేందుకు వీలుగా రూపొందించిన పాలసీలను, చర్యలను మంత్రి వివరించారు.