హైదరాబాద్: ఉత్తర తెలంగాణ జిల్లాలన్నింటికీ సాగునీరు అందించే కాళేశ్వరం ప్రాజెక్టుకు జాతీయ హోదా కల్పించాలని నీటిపారుదలశాఖ మంత్రి టి హరీశ్‌రావు ఒక ప్రకటనలో కేంద్రానికి విజ్ఞప్తి చేశారు. రాష్ట్ర పునర్ విభజన చట్టంలో ఇచ్చిన హామీ మేరకు ఆంధ్రప్రదేశ్‌లోని పోలవరం ప్రాజెక్టుకు జాతీయ హోదా కల్పించిందని మంత్రి పేర్కొన్నారు.

నెల్లూరు/ప్రకాశం/చిత్తూరు: జిల్లా కేంద్రమైన చిత్తూరులో అరకొర సౌకర్యాల మధ్యనే ఇంటర్ పరీక్షలు ప్రారంభమయ్యాయి. నగరంలోని పలు పరీక్షా కేంద్రాల వద్ద కనీస సౌకర్యాలు లేకపోవడంతో విద్యార్థులు తీవ్ర అసౌకర్యానికి గురయ్యారు. పలు కేంద్రాల్లో చీకటి గదులు, వరండాలు, డెస్క్‌లు లేకపోవడంతో నేలపై కూర్చుని పరీక్షలు రాయాల్సిన దుస్థితి నెలకొంది.

హైదరాబాద్: దేశవ్యాప్తంగా ప్రతిష్టాత్మకంగా ప్రారంభించిన స్వచ్ఛ భారత్ కార్యక్రమం అమలును రెండు తెలుగు రాష్ట్రాల్లోని విశ్వవిద్యాలయాలు తేలిగ్గా తీసుకున్నాయి. అన్ని విశ్వవిద్యాలయాల్లో 29వ తేదీలోగా స్వచ్ఛ భారత్ ప్రతిజ్ఞలను నిర్వహించాలని కేంద్ర మానవ వనరుల మంత్రిత్వ శాఖ ఆదేశించినా అధికార గణం పట్టించుకోలేదు. యుజిసి ఆదేశాలను కూడా గాలికి వదిలేశాయి.

హైదరాబాద్: సుమారు ఐదురోజుల తేడాతో రెండు తెలుగు రాష్ట్రాల అసెంబ్లీ బడ్జెట్ సమావేశాలు ప్రారంభం కానున్నాయి. ఈ నెల 5న ఆంధ్రప్రదేశ్ రాష్ట్ర అసెంబ్లీ ప్రారంభం కానుండగా, 10న తెలంగాణ అసెంబ్లీ సమావేశాలను ప్రారంభించాలని ముఖ్యమంత్రి కె. చంద్రశేఖర్ రావు భావిస్తున్నారు. ఈ నెలాఖరులోగా రెండు రాష్ట్ర ప్రభుత్వాలూ బడ్జెట్‌ను ఆమోదించుకోవాల్సి ఉంది. లేనిపక్షంలో ప్రభుత్వోద్యోగుల జీతభత్యాలు నిలిచిపోతాయి.