కడప, జనవరి 9: అగ్ర దేశాలకు దీటుగా ఎదిగేందుకు, అభివృద్ధి సాధించేందుకు దేశంలోని విద్యార్థుల్లో శక్తి సామర్థ్యాలు మెండుగా ఉన్నాయని, మీరు అభివృద్ధి చెంది దేశాన్ని అభివృద్ధి చేయాలని ముఖ్యమంత్రి నారా చంద్రబాబునాయుడు పిలుపునిచ్చారు. కడప జిల్లా ఇడుపులపాయ ట్రిపుల్ ఐటిలో శనివారం నిర్వహించిన స్నాతకోత్సవం కార్యక్రమానికి ముఖ్యమంత్రి ముఖ్యఅతిథిగా హాజరై ప్రసంగించారు.

హైదరాబాద్, జనవరి 9: తెలంగాణ రాష్ట్రంలో దేశీయ తయారీ విదేశీ మద్యం (ఐఎంఎఫ్‌ఎల్)కు డిమాండ్ పెరగడంతో డిస్టిలరీస్‌ను విస్తరించాలని, కొత్త డిస్టిలరీస్ ఏర్పాటుకు అనుమతి ఇవ్వాలని రాష్ట్రప్రభుత్వం నిర్ణయించింది. కొత్తగా మెదక్, మహబూబ్‌నగర్ జిల్లాల్లో రెండు డిస్టిలరీల ఏర్పాటుకు రాష్ట్రప్రభుత్వం పచ్చజెండా ఊపింది. మరో మూడు డిస్టిలరీలను విస్తరించేందుకు అన్ని అనుమతులు ఇచ్చారు.

హైదరాబాద్, జనవరి 9: నవ్యాంధ్రప్రదేశ్‌కు ప్రత్యేక హోదా కల్పించే విషయంలో కేంద్రం గుట్టుచప్పుడు కాకుండా క్షేత్రస్థాయి సాంకేతిక పరిశీలన జరిపిస్తోంది. ఇందుకోసం కడప జిల్లాను పైలట్ జిల్లాగా ఎంపిక చేసింది. క్షేత్రస్థాయిలో ప్రజలతో చర్చలు జరిపి, వారి అభిప్రాయాలను పరిగణనలోకి తీసుకుని నివేదిక ఆధారంగా తుది నిర్ణయానికి రానుంది. ఈ క్రమంలోనే కేంద్ర న్యాయశాఖా మంత్రి సదానంద గౌడను రాష్ట్ర పర్యటనకు పంపించింది.

హైదరాబాద్, జనవరి 9: తెలుగుదేశం అధ్యక్షుడు, సిఎం చంద్రబాబు దావోస్ పర్యటనకు రంగం సిద్ధమైంది. ఈనెల 19 నుంచి 24 వరకూ దావోస్‌లో సిఎంతోపాటు పదిమంది బృందం పర్యటించనుంది. రాష్ట్రానికి పెట్టుబడులు ఆకర్షించే లక్ష్యంతో సిఎం బృందం పర్యటన చేస్తోందని ప్రభుత్వ ప్రధాన కార్యదర్శి ఐవైఆర్ కృష్ణారావు వెల్లడించారు.