హైదరాబాద్, జనవరి 8: రెండుతెలుగు రాష్ట్రాల మధ్య విద్యుత్ పంపకాలపై నెలకొన్న వివాదాలు కొలిక్కి రానున్నాయి. వచ్చే వారం రెండు రాష్ట్రాల విద్యుత్ ఉన్నతాధికారులతో ఢిల్లీలో సమావేశాన్ని ఏర్పాటు చేయాలని కేంద్ర విద్యుత్ అథారిటీ నిర్ణయించింది. ఈమేరకు రెండు రాష్ట్రాల విద్యుత్ అధికారులను ఆహ్వానించనుంది. ఒకటి రెండు రోజుల్లో తేదీలు ఖరారుకానున్నాయి.

హైదరాబాద్, జనవరి 8: జన్మభూమి కార్యక్రమం నిర్వహించినప్పుడు వచ్చిన ఫిర్యాదుల్లో 96 శాతం పరిష్కారమైనట్లు నిరూపిస్తే తాను శాశ్వతంగా రాజకీయాల నుంచి తప్పుకుంటానని కాంగ్రెస్ నాయకుడు, ఎపి శాసనమండలి (కౌన్సిల్)లో ప్రతిపక్ష నేత సి. రామచంద్రయ్య ఎపి ముఖ్యమంత్రి చంద్రబాబు నాయుడుకు సవాల్ విసిరారు. ఒకవేళ నిరూపించలేకపోతే ముఖ్యమంత్రి చంద్రబాబు రాజకీయాల నుంచి తప్పుకుంటారా?

కాకినాడ, జనవరి 8: ఆంధ్రప్రదేశ్‌ను కరవురహిత రాష్ట్రంగా తీర్చిదిద్దేందుకు అహరహం కృషి చేస్తున్నానని ముఖ్యమంత్రి చంద్రబాబునాయుడు చెప్పారు. ఎట్టిపరిస్థితుల్లో గోదావరి జిల్లాల్లో రెండవ పంటకు నీరు ఇచ్చి తీరుతామని, ఇందుకు అవసరమైతే ఒడిశా ముఖ్యమంత్రితో మాట్లాడి అవసరమైనంత నీటిని సేకరిస్తామని స్పష్టం చేశారు. ప్రతి నీటి బొట్టును సద్వినియోగం చేసుకుని, రైతాంగానికి మేలు చేకూర్చడానికి చర్యలు తీసుకుంటామన్నారు.

భీమవరం, జనవరి 8: పశ్చిమగోదావరి జిల్లా భీమవరం పట్టణంలో శుక్రవారం మధ్యాహ్నం నిర్మాణంలో ఉన్న ఒక చర్చి శ్లాబు కూలిన దుర్ఘటనలో 14మంది తీవ్రంగా గాయపడ్డారు. వీరిలో కొందరి పరిస్థితి ఆందోళనకరంగావుంది. వివరాలిలావున్నాయి... స్థానిక సుంకర పద్దయ్యగారి వీధిలో మన్నా ప్రార్థనాలయం ఆవరణలో కొత్తగా చర్చి నిర్మాణం చేపట్టారు. ఏడాది క్రితం ప్రారంభమైన ఈ పనులు మూడు నెలలుగా వేగం పుంజుకున్నాయి.