గుంటూరు, డిసెంబర్ 27: ప్రభు త్వం ప్రకటించిన మాస్టర్ ప్లాన్ లో స్థలాల కేటాయింపుపై స్పష్టత లేకపోవడంతో రైతులు కలవరపడుతున్నా రు. శనివారం రాత్రి మాస్టర్‌ప్లాన్ ము సాయిదా విడుదలైనట్లు తెలుసుకున్న రైతులు తుళ్లూరు సిఆర్‌డిఎ కార్యాలయం చుట్టూ ఆదివారం ప్రదక్షిణలు చేశారు. కొంతమంది సిబ్బంది వచ్చినప్పటికీ మాస్టర్‌ప్లాన్ కాపీని చూపించలేదని రైతులు ఆరోపించారు.

హైదరాబాద్, డిసెంబర్ 27: సం క్రాంతి పండుగకు పల్లెపిలుస్తోంది. సొంతఊరికి వెళ్లాలన్న తహతహ జనంలో పెరుగుతోంది. ఆంధ్రలో సంక్రాంతిని పెద్దపండుగగా ఆచరిస్తారు. చాలామంది తప్పనిసరిగా సొంత ఊరికి వెళతారు. భాగ్యనగరంతో సహా వివిధ ప్రాంతాలలో ఉన్నవారు తమతమ ఊళ్లకు వెళ్లడానికి సిద్ధపడుతున్నారు. అయితే రైళ్లలో రిజర్వేషన్లు దొరకడం లేదు. ఇప్పటికే చాంతాడంత పొడుగున వెయిట్‌లిస్ట్ దర్శనమిస్తోంది.

మంగళగిరి, డిసెంబర్ 27: నవ్యాంధ్రప్రదేశ్ నూతన రాజధాని అమరావతి నగరంలో భవన నిర్మాణాలు సుమారు మూడు నాలుగేళ్లుపట్టే అవకాశం ఉంటడంతో మంగళగిరి సమీపంలోని అమరావతి టౌన్‌షిప్ ప్రాంగణంలో తాత్కాలిక సచివాలయం, కొన్ని ప్రభుత్వ కార్యాలయాలు నిర్మించేందుకు రాష్ట్ర ప్రభుత్వం సన్నద్ధమవుతోంది. వచ్చే జూన్‌నుంచి పరిపాలనంతా కొత్త రాజధాని నుంచే జరపాలని ప్రభుత్వం ఇప్పటికే నిర్ణయించిన సంగతి తెలిసిందే.

హైదరాబాద్, డిసెంబర్ 27: విద్య, వ్యవసాయం, పౌరసేవా సదుపాయాల విభాగాల్లో మెరుగైన అభివృద్ధి సాధనకు మైక్రోసాఫ్ట్ సంస్థతో ఆంధ్రప్రదేశ్ అవగాహన ఒప్పందాన్ని కుదుర్చుకోనుంది. మైక్రోసాఫ్ట్ సిఇఓ సత్య నాదెళ్ల, ఆంధ్ర సిఎం చంద్రబాబు సోమవారం హైదరాబాద్‌లో భేటీకానున్నారు. మైక్రోసాఫ్ట్ ఇండియా ఆంధ్రకు పిఓసి (ప్రూఫ్ ఆఫ్ కానె్సప్ట్) ప్రకారం సాంకేతికంగా సహకరించనున్నట్టు తెలిపింది.