హైదరాబాద్, జూన్ 2: తెలంగాణలో 2886 పోస్టల భర్తీకి రంగం సిద్ధమైంది. ఈ సందర్భంగా గ్రూప్-4 సహా పలు నోటిఫికేషన్లను పబ్లిక్ సర్వీసు కమిషన్ విడుదల చేసింది. 1521 పోస్టులకు గ్రూప్-4 నోటిఫికేషన్ సహా 700 పోస్టులకు వీఆర్వో, ఆర్టీసీలో 72 జూనియర్ అసిస్టెంట్ పోస్టులకు, 19 సీనియర్ స్టెనో ఉద్యోగాలకు, 474 మండల ప్లానింగ్ ఆఫీసర్ పోస్టులకు నోటిఫికేషన్లను జారీ చేసింది.

చీపురుపల్లి, జూన్ 2: నలభై ఏళ్ల సుదీర్ఘ రాజకీయ అనుభవంతో అవినీతికి చట్టబద్ధత కల్పించడం ముఖ్యమంత్రి చంద్రబాబు నాయుడికే సాధ్యమైందని జనసేన నేత పవన్ కళ్యాణ్ ఆరోపించారు. ప్రజా పోరాట యాత్రలో భాగంగా విజయనగరం జిల్లా చీపురుపల్లిలోని మూడురోడ్ల జంక్షన్ వద్ద శనివారం నిర్వహించిన బహిరంగ సభలో ఆయన మాట్లాడారు.

విజయవాడ, జూన్ 2: ప్రధాని నరేంద్ర మోదీ అంతటి నమ్మకద్రోహి, పచ్చి అబద్ధాలకోరు ఈ దేశంలో ఎవరూ ఉండబోరని ముఖ్యమంత్రి చంద్రబాబు నాయుడు నిప్పులు చెరిగారు. నిత్యం దేవుళ్లను ఆరాధించే బీజేపీకి ప్రాతినిధ్యం వహించే మోదీ తిరుమల వెంకన్న సాక్షిగా ఇచ్చిన హామీలను సైతం ఉల్లంఘిస్తూ పచ్చి అబద్ధాలు ఆడుతున్నందుకు వచ్చే జన్మలో కాకుండా, ఈ జన్మలోనే తగిన శిక్ష అనుభవిస్తారని పరుష పదజాలంతో విరుచుకుపడ్డారు.

లక్నో: ఉత్తరప్రదేశ్‌లో మాజీ ముఖ్యమంత్రులు ములాయం సింగ్ యాదవ్, అఖిలేష్ యాదవ్ తమ అధికార నివాసాలను శనివారంనాడు ఖాళీ చేశారు. సుప్రీం కోర్టు ఆదేశాల మేరకు అధికార నివాసాలను ఖాళీ చేయాలని ప్రభుత్వం నోటీసులు జారీ చేసింది. మాజీ ముఖ్యమంత్రుల నివాసాలను ఖాళీ చేయమనడాన్ని తండ్రీకొడుకులిద్దరూ సుప్రీం కోర్టులో సవాల్ చేసిన విషయం విదితమే.