కర్నూలు, జూన్ 3: నవ్యాంధ్రప్రదేశ్‌ను కరవురహిత రాష్ట్రంగా తీర్చిదిద్దడమే లక్ష్యంగా పెట్టుకున్నట్లు సీఎం చంద్రబాబు ప్రకటించారు. నవనిర్మాణ దీక్షలో భాగంగా రెండవ రోజు ఆదివారం కర్నూలు జిల్లా తుగ్గలి మండలం జొన్నగిరిలో గ్రామసభ నిర్వహించి ‘నీరు-ప్రగతి, కరవు రహిత రాష్ట్రం’ అంశంపై గ్రామస్థులతో చర్చించారు. అలాగే గ్రామంలోని బీసీ, ఎస్సీ కాలనీల్లో ప్రజల ఇళ్లకు వెళ్లి వారితో కొద్దిసేపు మాట్లాడారు.

హైదరాబాద్, జూన్ 2: ఎమ్సె ట్ సర్ట్ఫికెట్ల పరిశీలనకు శనివారం నాడు 8715 మంది హాజరయ్యారు. 1వ ర్యాంకు నుండి 68,000 ర్యాంకు వరకూ 43,354 మంది హాజరుకాగా, 68001 నుండి 82వేల ర్యాంకు వరకూ 8715 మంది హాజరయ్యారు. దీంతో శనివారం రాత్రి వరకూ సర్ట్ఫికెట్ల పరిశీలనకు 52,069 మంది హాజరయ్యారని అడ్మిషన్ల కన్వీనర్ నవీన్ మిట్టల్ తెలిపారు.

విశాఖపట్నం, జూన్ 2: మరో కొత్త రైలు పట్టాలెక్కబోతోంది. సంత్రగచ్చి- చెన్నై సెంట్రల్ స్టేషన్ల మధ్య అంత్యోదయ వీక్లీ ఎక్స్‌ప్రెస్ ఈనెల 4న హౌరాలో ప్రారంభం కానుంది. 02841 నెంబర్‌తో ప్రతి సోమవారం సంత్రగచ్చి నుంచి, ప్రతి బుధవారం చెన్నై సెంట్రల్ నుంచి ఈ రైలు బయలుదేరుతుంది.

యాదగిరిగుట్ట, జూన్ 2: యాదాద్రి లక్ష్మీనరసింహస్వామి ఆలయంలో శనివారం ఉదయం అర్చనలు, అష్టోత్తరాలు, నిత్య కల్యాణోత్సవాలు, వెండి జోడి సేవలు సాంప్రదాయబద్ధంగా జరిగాయి. స్వామి వారి దర్శనాలు, వివిధ పూజల్లో పాల్గొనేందుకు వచ్చిన భక్తులతో కొండ కిటకిటలాడింది. దేవస్థానం ఒక్కరోజు ఆదాయం రూ.16లక్షల 41,941 సమకూరింది. వేకువ జామున సుప్రభాతంతో స్వామి అమ్మవార్లను మేల్కొలిపి హారతులు నిర్వహించారు.