స్నేహబంధము చెరిగిపోనిది
చిన్ననాటి చిలిపిచేష్టలు మరిచిపోనివి
బడిలోని గురువులు నేర్పిన విద్య సూత్రాలు మరిచిపోనివి
స్నేహితుల జ్ఞాపకాలలాగ అవి మరపురానివి
ఇసుకలోన దిద్దించిన అక్షరాలు
అవియే మానవ జీవన బీజాక్షరాలు
గురువులు నేర్పిన గుణగణాలు స్నేహ బంధాల నిర్వచనాలు
ఇదే చివరిసారిగ నిలిచేది
ఇందుగల బలం ఎందునా లేదు
గురువుల దీవెనలే స్నేహితుల భావాలు

ఎక్కడో ఒక అపనమ్మకం
నీలి పరదాలాగా
వివేకాన్ని కప్పేస్తుంది
ఎక్కడో ఒక దుస్సంఘటన
చెవులకు చేరి
మనస్సు నాక్రమించి బాధిస్తుంది

కలల్ని మోస్తున్న కళ్లు
బేలతనంతో ఒక్కసారిగా
రెపరెపలాడుతాయి
కోటి ఆశల ఊసులతో
కొత్త ప్రపంచంలోకి
అడుగుపెట్టిన నవవధువుకి
ఏ రాయి ఎటు నుంచి వచ్చి
తగులుతుందో తెలియక
మాట వౌనాన్ని దాలుస్తుంది

ఖురాను, గీతా, బైబిల్
అన్నీ ఒకటే
మానవ జీవితానికి
చూపే బాటే

అవిటితనానికి
జాలి సరిపోదు
చేయూతకు
మించింది లేదు

మనిషి జీవితాన్ని
నిత్యం కరిగించే
ద్రవ పదార్థమే
మద్యం

దక్షిణ లేకపోతే
పూజారి శఠగోపం
అధికారి ఫైలూ
కదలదు

అమెరికాలో
తెలుగుకు వెలుగు
ఆంధ్రాలో
చీకటిలో తెలుగు

చిత్రం... భళారే విచిత్రం!
యుగాలు మారినా
తరాలు మారినా
విజ్ఞాన శాస్త్రాలు వెల్లివిరుస్తున్నా
కంప్యూటర్ ఉద్యోగాలు దేశాలను కలిపినా
సెల్‌ఫోన్లు వాటి మధ్య దూరాలను తగ్గించినా
ఇంటర్నెట్ ప్రపంచాన్ని కుగ్రామం చేసినా
మనిషిలోని అజ్ఞానపు స్థాయి తగ్గలేదు
దురహంకారం దురాక్రమణాలోచన చెరగలేదు
అలెగ్జాండర్ దుర్మరణం గాని
హిట్లర్ నికృష్టపు చావుగాని