అమరావతి, నవంబర్ 7: ఎన్నికల ముందే కూస్తున్న రాజకీయ కోయిలలకు కేంద్రప్రభుత్వ నిర్లిప్త వైఖరి బ్రహ్మాస్త్రాలుగా మారుతున్నాయి. రాష్ట్రానికి ఇచ్చిన ప్రత్యేక హోదా హామీతోపాటు, ప్రత్యేక ప్యాకేజీ, విభజన హామీలు ఇప్పటివరకూ అమలుచేయని వైనానికి తోడు ఏడాదిక్రితం నాటి పెద్దనోట్ల రద్దు, తాజా జీఎస్టీ నిర్ణయాలు ప్రజల్లో ఆగ్రహానికి కారణమవుతున్నాయి.

హైదరాబాద్, నవంబర్ 6: సికింద్రాబాద్ డివిజన్‌లోని ఎర్రుపాలెం-తొండలగోపవరం రైల్వే స్టేషన్ల మధ్య పట్టాల మరమ్మతులు కారణంగా ఆ రూట్లో నడిచే రెండు రైళ్ల వేళల్లో మార్పులు చేసినట్లు ద.మ.రైల్వే ఒక ప్రకటనలో తెలిపింది. నెం.77292 విజయవాడ- భద్రాచలం రోడ్ పాసింజర్ రైలు ఈ నెల 6 నుంచి 12 వరకు ఉదయం 8 గంటలకు బదులు ఉదయం 10 గంటలకు బయలు దేరుతుందని తెలిపింది.

హైదరాబాద్, నవంబర్ 6: భూముల రికార్డుల శుద్ధీకరణ, నవీకరణ అంశంపై సోమవారం అసెంబ్లీలో హోరా హోరీగా చర్చ జరిగింది. ప్రభుత్వం వద్ద ఉన్న భూములు ఎన్ని? హరిత హారానికి కేటాయించిన భూములు ఎన్ని? వక్ఫ్, భూదాన్, దేవాదాయ శాఖ అధీనంలో ఉన్న భూములు, ఆక్రమణకు గురైన భూములు ఎన్ని? అనే అంశంపై సిట్టింగ్ జడ్జితో లేదా అసెంబ్లీ సభా సంఘాన్ని నియమించి దర్యాప్తు జరిపించాలని కాంగ్రెస్ ఎమ్మెల్యే భట్టివిక్రమార్క డిమాండ్ చేశారు.

హైదరాబాద్, నవంబర్ 6: ఎమ్మార్పీఎస్ తలపెట్టిన ఆందోళనలో మృతి చెందిన భారతి కుటుంబానికి రూ. 25 లక్షల ఎక్స్‌గ్రేషియా ఇస్తున్నట్టు అసెంబ్లీలో సిఎం కేసీఆర్ ప్రకటించారు. కుటుంబంలో ఎవరైనా అర్హులుంటే ఉద్యోగం కల్పిస్తామని, ఆమె పిల్లలు చిన్నవాళ్లయితే పీజీ వరకు ఉచిత విద్య అందిస్తామని ప్రకటించారు. సంఘటనపై సమగ్ర విచారణ జరుపుతామని ప్రకటించారు.