హైదరాబాద్, నవంబర్ 5: తెలంగాణ రాష్ట్రంలో పత్తి రైతులు తీవ్రమైన ఒడిదుడుకులు ఎదుర్కొంటున్నారు. ప్రభుత్వం శాస్ర్తియ విధానాన్ని అమలు చేయకపోవడమే ఇందుకు కారణమని నిపుణులు భావిస్తున్నారు. పత్త్ధి ఈ ఏడాది లాభదాయకంగా ఉంటుందని భావించిన రైతులు దాదాపు 48 లక్షల ఎకరాల్లో పంట వేశారు. తీరా పత్తి మార్కెట్లోకి వచ్చే సమయానికి కనీస మద్దతు ధర సరిగ్గా లభించక నానా తంటాలు పడుతున్నారు.

హైదరాబాద్, నవంబర్ 5: హైదరాబాద్ కిరీటంలో మరొక ఆణిముత్యం చేరబోతోంది. 946 కోట్ల రూపాయల అంచనాతో నిర్మించనున్న ఇమేజ్ టవర్స్‌కు ఆదివారం రాష్ట్ర ఐటి మంత్రి కె. తారకరామారావు శంకుస్థాపన చేశారు. హైదరాబాద్‌లో దినదినాభివృద్ధి చెందుతున్న యానిమేషన్, గేమింగ్, విఎఫ్‌ఎక్స్ పరిశ్రమలను మరింత ముందుకు తీసుకెళ్లేందుకే ఈ ప్రాజెక్టుకు సంకల్పించినట్టు కెటిఆర్ ప్రకటించారు.

రాజమహేంద్రవరం, నవంబర్ 5: పోలవరం ప్రాజెక్టు నిర్మాణం వల్ల నిర్వాసితులైన వారికి వ్యవసాయ యోగ్యం కాని భూములు కేటాయిస్తున్నారని నిర్వాసితులు ఎస్సీ, ఎస్టీ కమిషన్‌కు ఫిర్యాదు చేశారు. తూర్పు గోదావరి జిల్లా రాజమహేంద్రవరం ఆర్ అండ్ బి అతిథి గృహంలో ఆదివారం కమిషన్ ఛైర్మన్ కారెం శివాజీ పోలవరం నిర్వాసితుల సమస్యలపై ఫిర్యాదులు స్వీకరించారు.

భీమవరం, నవంబర్ 5: పశ్చిమ గోదావరి జిల్లా మొగల్తూరు మండలం పేరుపాలెం బీచ్‌లో ఆదివారం సముద్ర స్నానం చేస్తూ ముగ్గురు యువకులు గల్లంతయ్యారు. వీరిలో ఇద్దరి మృతదేహాలు లభ్యంకాగా మరొకరి మృతదేహం కోసం గాలింపుచేపట్టారు. భీమవరానికి చెందిన చినమిల్లి నాగవెంకట సత్యనారాయణస్వామి, మునగాల వాసు, పత్తి సురేంద్ర, బుడితి అవినాష్, కుమార్ అనే ఐదుగురు మిత్రులు బైక్‌లపై పేరుపాలెం బీచ్‌కు వెళ్లారు.