హైదరాబాద్, ఆగస్టు 16: కొత్త జిల్లాల ముసాయిదా నోటిఫికేషన్‌పై చర్చించేందుకు ఈనెల 20న అఖిలపక్ష సమావేశం నిర్వహించాలని సిఎం కె చంద్రశేఖర్ రావు నిర్ణయించారు. ఈమేరకు అధికారులకు ఆదేశాలు జారీ అయ్యాయి. అఖిలపక్ష సమావేశానికి అధికార తెరాస, ప్రధాన ప్రతిపక్షం కాంగ్రెస్ సహా భాజపా, తెదేపా, సిపిఐ, సిపిఎంలను ప్రభుత్వం ఆహ్వానించింది. పార్టీకి ఇద్దరి చొప్పున ప్రతినిధులు హాజరు కావాల్సిందిగా సూచించింది.

హైదరాబాద్, ఆగస్టు 16: తెలంగాణ రాష్ట్రంలో 251 వెటర్నరీ అసిస్టెంట్ సర్జన్లు (క్లాస్-ఎ) పోస్టుల భర్తీకి తెలంగాణ పబ్లిక్ సర్వీసు కమిషన్ మంగళవారం రాత్రి నోటిఫికేషన్ జారీ చేసింది. ఈ పరీక్షలకు ఆన్‌లైన్‌లో 19 నుంచి దరఖాస్తులు సమర్పించవచ్చు. దరఖాస్తులను దాఖలు చేసేందుకు వచ్చే నెల 7వ తేదీ వరకూ గడువు ఇచ్చారు. సెప్టెంబర్ 25వ తేదీన ఎంపిక పరీక్ష నిర్వహిస్తారు.

గుంటూరు, ఆగస్టు 16: ‘నాపై నమ్మకం ఉంచండి. మెరుగైన, పారదర్శకమైన పాలన అందిస్తా. రాష్ట్రంకోసం.. మీకోసం కృష్ణా పుష్కరాల సందర్భంగా సంకల్పం చేయండ’ని ముఖ్యమంత్రి చంద్రబాబు పిలుపునిచ్చారు. ‘మనమంతా ఇక్కడే పుట్టాం.. ఈ నీళ్లు తాగాం.. వ్యవసాయం చేశాం.. పిల్లలు ఉన్నత చదువులు చదువుతున్నారు.. కొందరు విదేశాలకు వెళ్లారు.. చరిత్రలో నదీతీర ప్రాంతాలే నాగరికతకు చిహ్నాలుగా నిలిచాయ’ని అన్నారు.

హైదరాబాద్, ఆగస్టు 16: ఆంధ్రప్రదేశ్‌లో సర్వ శిక్షా అభియాన్ నిధులు భారీగా దుర్వినియోగం అయినట్టు తెలిసింది. వివిధ జిల్లాల్లో సర్వ శిక్షా అభియాన్ పేరుతో వెచ్చించిన వందల కోట్ల రూపాయలకు లెక్కలు తెలియడం లేదు.అందుకు సంబంధించిన రికార్డులు కూడా దొరకడం లేదని తెలిసింది. జిల్లాల్లో సర్వ శిక్షా అభియాన్ సంస్థలకు కలెక్టర్లే చైర్మన్లుగా ఉంటారు. ప్రతి పైసా ఖర్చు కలెక్టర్ల పేరుతోనే జరుగుతుంది.