హైదరాబాద్, మార్చి 5: ధర్డ్ ఫ్రంట్ వెనుక బీజేపీ హస్తం ఉందని కాంగ్రెస్ నాయకుడు రేవంత్ రెడ్డి ఆరోపించారు. ప్రస్తుతం జరుగుతున్న పరిణామాలతో చంద్రబాబు కాంగ్రెస్‌కు చేరువ అవుతున్నారని, దీంతో బీజేపీనే కేసీఆర్‌ను రంగంలోకి దింపిందన్నారు. తెరవెనుక జరుగుతున్న పరిణామాలను ప్రజలు గ్రహించాలని సూచించారు. తనపై ఉన్న కేసుల నుంచి బయటపడేందుకే కేసీఆర్ ఢిల్లీ చుట్టూ ప్రదక్షణలు చేస్తున్నారని ఆరోపించారు.

హైదరాబాద్, మార్చి 5: ప్రధాని నరేంద్రమోదీ పట్ల ముఖ్యమంత్రి కేసీఆర్ చేసిన వ్యాఖ్యలపై ప్రజాస్వామ్యయుత పద్ధతిలో చలో ప్రగతి భవన్‌కు పిలుపునిస్తే, సిఎం కేసీఆర్ ఎక్కడికక్కడ పోలీసులను పెట్టి అరెస్టు చేయడాన్ని బీజేపీ రాష్ట్ర అధ్యక్షుడు డాక్టర్ కె లక్ష్మణ్ తీవ్రంగా విమర్శించారు. తెలంగాణ రాష్ట్రాన్ని నియంతృత్వ ప్రభుత్వం రాజ్యమేలుతోందని అన్నారు.

హైదరాబాద్, జనవరి 5: రవాణా శాఖలో అవినీతికి ఆస్కారం లేకుండా ఆన్‌లైన్ వ్యవస్థను మరింత బలోపేతం చేయాలని ఆ శాఖ మంత్రి పి.మహేందర్‌రెడ్డి అధికారులను ఆదేశించారు. శాఖలో దళారీ వ్యవస్థ పూర్తిగా రద్దవ్వాలని అన్నారు. సోమవారం సచివాలయంలో మంత్రి మహేందర్‌రెడ్డి రవాణా శాఖ ఆధునీకరణ, అవినీతి నివారణ, ఎన్‌ఐసీ ఆధారిత కార్యకలాపాలపై శాఖ ముఖ్య కార్యదర్శి సునీల్‌శర్మ, జెటిసి రమేష్ తదితరులతో సమీక్షించారు.

హైదరాబాద్, మార్చి 5: తెలంగాణలోని ప్రతి శాసనసభా నియోజకవర్గంలో ఒక ఫుడ్ ప్రాసెసింగ్ యూనిట్‌ను ఏర్పాటు చేయాలని ప్రభుత్వం భావిస్తోంది. 30 జిల్లాల్లో కనీసం వంద ఫుడ్ ప్రాసెసింగ్ యూనిట్లను ఏర్పాటు చేసే అంశంపై ముఖ్యమంత్రి కె. చంద్రశేఖరరావు సుముఖంగా ఉన్నారు. ఈ అంశాలపై సమగ్రంగా అధ్యయనం చేసి నివేదిక సమర్పించేందుకు వీలుగా మంత్రివర్గ ఉపసంఘాన్ని సిఎం ఏర్పాటు చేశారు.