ధన్వాడ, నవంబర్ 11: మహబూబ్‌నగర్ జిల్లా మరికల్ మండల కేంద్రంలోని పెద్దచెరువు వద్ద ఉన్న చెత్తకుప్పలో జాతీయజెండాలను పరేశారు. శనివారం గ్రామయువకులు కొందరు వాటిని శారు. అనంతరం గ్రామ సర్పంచ్ ఇందిరమ్మ, గ్రామపెద్దలకు సమాచారాన్ని అందించారు. దీంతో చెరువు వద్దకు వెళ్లి చెత్తకుప్పలో ఉన్న జాతీయజెండాలను పరిశీలించారు. అనంతరం వాటిని ఒకసంచిలో వేసుకుని పంచాయతీ కార్యాలయం లో ఉంచారు.

మహబూబాబాద్, నవంబర్ 11: అఖిల భారత జాతీయ కాంగ్రెస్ ఉపాధ్యక్షుడు రాహుల్‌గాంధీ డిసెంబర్ 9న వరంగల్‌కు రానున్నారు. కాంగ్రెస్ పార్టీ ఆధ్వర్యంలో వరంగల్‌లో నిర్వహించే దళిత, గిరిజన, బీసీ గర్జన బహిరంగసభకు హాజరుకానున్నారు. ఏఐసీసీ అధినాయకురాలు సోనియాగాంధీ ఆరోగ్య పరిస్థితుల దృష్ట్యా ఇప్పటికే రాహుల్ వరంగల్ పర్యటన రెండుసార్లు వాయిదా పడింది.

హైదరాబాద్, నవంబర్ 11: ప్రముఖ రచయిత్రి నూపుర్ కుమార్ రాసిన ‘జర్నీ ఆఫ్ ద హైదరాబాద్ సిటీ పోలీస్’ కాఫీ టెబుల్ పుస్తకాన్ని ముఖ్యమంత్రి కె. చంద్రశేఖరరావుశనివారం ప్రగతిభవన్‌లో ఆవిష్కరించారు. సిటీ పోలీస్ ఆవిర్భావం నుండి నేటి వరకు హైదరాబాద్ నగర పోలీస్ వ్యవస్థ పురోగతిని రంగుల (తైలవర్ణ) ఫోటోలతో సహా ఈ పుస్తకంలో పొందుపరచారు. నగరంలో గతంలో పోలీసులు గస్తీ తిరిగేందుకు సైకిళ్లను ఉపయోగించేవారు.

హైదరాబాద్, నవంబర్ 11: రాజధాని వేదికగా జరుగుతున్న అంతర్జాతీయ ఔత్సాహిక పారిశ్రామిక వేత్తల శిఖరాగ్ర సదస్సు (జిఇఎస్-2017) మరో అత్యంత కీలక సమావేశానికి వేదిక కాబోతోంది. భారత ప్రధాని నరేంద్రమోదీ, అమెరికా అధ్యక్షుడు డోనాల్డ్ ట్రంప్ కుమార్తె, శే్వతసౌధం సలహాదారు ఇవాంకతో కీలక చర్చలు జరపనున్నారు. ఇవాంక కొద్ది కాలంగా మహిళా పారిశ్రామికతను ప్రోత్సహించే దిశగా అనేక చర్యలు తీసుకుంటున్నారు.