హైదరాబాద్/జీడిమెట్ల, జూన్ 18: ఇద్దరూ ఆడ పిల్లలే.. పోషించలేమోనన్న భయంతో వారి తల్లితండ్రులు ఒక శిశువును విక్రయించినట్లు సమాచారం అందడంతో సమగ్ర మహిళా, శిశు సంక్షేమ శాఖ జిల్లా అధికారి లావణ్యరెడ్డి, మేడ్చల్ ఐసిడిఎస్ సూపర్‌వైజర్ స్పందన ప్రాథమిక విచారణను చేపట్టారు. రంగారెడ్డి జిల్లా కుత్బుల్లాపూర్ మండలం, దుండిగల్ తండా-1లో నివాసముండే నర్సింగ్ నాయక్‌కు ఇద్దరు కొడుకులు, ఓ కుమార్తె సంతానం.

షాద్‌నగర్, జూన్ 18: స్కూల్ బస్సు కిందపడి చిన్నారి బాలిక మృతి చెందింది. ఈ సంఘటన మహబూబ్‌నగర్ జిల్లా షాద్‌నగర్ మండలం నాగులపల్లి రోడ్డులోని ఈద్గా వద్ద శనివారం ఉదయం జరిగింది. కాలనీవాసుల కథనం ప్రకారం.. పట్టణంలోని ఓ ప్రైవేట్ స్కూల్‌కు చెందిన బస్సు రోజూ మాదిరిగానే పిల్లలను ఎక్కించుకొని పాఠశాలకు తీసుకువెళ్లేందుకు వచ్చింది.

హైదరాబాద్, జూన్ 18: తెలంగాణ ప్రభుత్వంపై రిజర్వేషన్ల అస్త్రం ప్రయోగించాలని తెలుగుదేశం పార్టీ నిర్ణయించింది. అదే సమయంలో పార్టీని సంస్థాగతంగా బలోపేతం చేసేందుకు సత్వర నిర్ణయాలు తీసుకోనుంది. జిల్లా, నియోజకవర్గ నేతలలో పోరాట స్ఫూర్తి కొనసాగించేందుకు హైదరాబాద్, వరంగల్‌లో శిక్షణ శిబిరాలు నిర్వహించనుంది.

హైదరాబాద్, జూన్ 18: రాష్ట్ర ప్రభుత్వం ప్రవేశపెట్టిన కల్యాణ లక్ష్మి, షాదీముబారక్ పథకాల్లో లబ్దిదారుల ఎంపికలో రాజకీయ జోక్యం తగదని సిపిఐ రాష్ట్ర కార్యదర్శి చాడ వెంకరెడ్డి అన్నారు. సంక్షేమ పథకాల అమలులో రాజకీయ జోక్యం విపరీతంగా పెరిగిపోయిందని ఆయన శనివారం విడుదల చేసిన ఒక ప్రకటనలో ఆరోపించారు. ప్రభుత్వమే పథకాల విధివిధానాలు రూపొందించాలని, వీటిని అధికారులు అమలు చేయాలని సూచించారు.