హైదరాబాద్, జూన్ 25: అంతర్జాతీయ అణు ఇంధన సరఫరాదార్ల బృందం (ఎన్‌ఎస్‌జి) సభ్యత్వం సాధించేందుకు కేంద్రం అంతగా తాపత్రయ పడాల్సిన అవసరం లేదని ప్రముఖ అణు శాస్తవ్రేత్త, అణు ఇంధన సంఘం (ఎఇసి) సభ్యుడు ఎంఆర్ శ్రీనివాసన్ అన్నారు. అణు ఇంధన సరఫరాదార్ల బృందంలో సభ్యత్వం కోసం భారత్ చేసిన ప్రయత్నాలు విఫలమైన నేపథ్యంలో ఆయన మాట్లాడుతూ ఈ బృందంలో చోటు రావడం వల్ల భారత్‌కు ఒరిగేదేమీ లేదన్నారు.

గుంటూరు, జూన్ 25: ‘సచివాలయ ఉద్యోగులకు సకల వసతులు కల్పిస్తున్నాం.. తరలింపులో ఏవైనా తప్పులుంటే మన్నించాలి.. ఏ లోటూ రానివ్వం’ అని ఏపి సిఎం చంద్రబాబునాయుడు అన్నారు. శనివారం వెలగపూడి సచివాలయ పనులను పరిశీలించిన అనంతరం ఆయన మీడియాతో మాట్లాడుతూ ఇప్పటికి సచివాలయ పనులు ప్రారంభించి 120 రోజులు మాత్రమే పూర్తయ్యాయని, ఇంత స్వల్ప వ్యవధిలో ప్రపంచంలో ఏ నిర్మాణాలూ జరగలేదన్నారు.

హైదరాబాద్, జూన్ 25: జెఇఇ మెయిన్ అఖిల భారత స్థాయి ర్యాంకులు విడుదల కావడంతో ప్రవేశాలకు షెడ్యూలు ఖరారైంది. ఈ నెల 28వ తేదీ వరకూ విద్యార్థులు తమ వెబ్ ఆప్షన్లు ఇచ్చేందుకు జాయింట్ సీట్ కేటాయింపు అథారిటీ చర్యలు చేపట్టింది. 30న మొదటి దశ సీట్లను కేటాయించనుంది. మొత్తం నాలుగు దశల్లో సీట్ల కేటాయింపు, ప్రవేశాలు చేపడతారు.

విజయవాడ, జూన్ 25: ప్రపంచ ఆర్థిక వేదికలపై ఆంధ్రప్రదేశ్ వాణిని వినిపించేందుకు క్రమం తప్పకుండా హాజరయ్యే ముఖ్యమంత్రి చంద్రబాబు నాయుడు చైనాలో ఈ నెల 26 నుంచి 28 వరకు జరిగే వరల్డ్ ఎకనామిక్ ఫోరం వార్షిక సమావేశంలో పాల్గొనేందుకు శనివారం సాయంత్రం ప్రత్యేక విమానంలో విశాఖ నుండి నేరుగా ఢిల్లీకి వెళ్లారు. గుంటూరు జిల్లాలో జరిగిన పలు కార్యక్రమాల్లో పాల్గొని మధ్యాహ్నం విశాఖపట్నం చేరుకున్నారు.