న్యూఢిల్లీ: ఏపీకి ప్రత్యేక హోదా సాధన కోసం కేంద్రంపై ఒత్తిడి తెచ్చేందుకు వివిధ పార్టీలు తమ ఆందోళనలతో పట్టు బిగిస్తున్నాయి. ఏపీ ముఖ్యమంత్రి నారా చంద్రబాబు నాయుడు నాయకత్వంలో మంత్రులు, నాయకులు, కార్యకర్తలు సైకిల్ ర్యాలీలు నిర్వహించారు. వెంకటపాలెంలోని ఎన్టీయార్ విగ్రహం వద్ద నుంచి అసెంబ్లీ వరకు సాగిన ఈ సైకిల్ ర్యాలీలో ముఖ్యమంత్రి చంద్రబాబు నాయుడు, మంత్రులు లోకేష్, అచ్చెయ్య నాయుడు కూడా పాల్గొన్నారు.

విశాఖపట్నం, ఏప్రిల్ 5: క్యుమిలోనింబస్ మేఘాల ప్రభావంతోపాటు, విదర్భ నుంచి తెలంగాణ, రాయలసీమను ఆనుకుని తమిళనాడు వరకూ ఏర్పడి ఉన్న అల్పపీడన ప్రభావం వలన కోస్తాలోని శుక్రవారం అక్కడక్కడ ఉరుములతో కూడిన జల్లులు కురిసే అవకాశం ఉందని విశాఖ తుపాను హెచ్చరికల కేంద్రం తెలియచేసింది. కొన్ని చోట్ల వడగళ్ల వానలు కురిసే అవకాశం ఉంది. రాష్ట్రంలోని గురువారం సాధారణ ఉష్ణోగ్రతలు నమోదైనాయి.

రాజమహేంద్రవరం, ఏప్రిల్ 5: ఖండాంతర ఖ్యాతిగడించిన కొండపల్లి బొమ్మల తయారీకి ముడి సరుకుకు ఇపుడు తూర్పు కనుమల అడవులు ఆవాసంగా మారా యి. ముడి సరుకు కొరతను తీర్చి కళను కాపాడటానికి, ఈ కళాకృతుల తయారీలో తరతరాలుగా ఆధారపడిన కళాకారుల కుటుంబాలను ఆదుకోవడానికి రాష్ట్ర అటవీ శాఖ వననిధి (ఉడ్ బ్యాంకు) పథకాన్ని చేపట్టింది.

హైదరాబాద్: కాళేశ్వరం ప్రాజెక్టుకు అటవీ, పర్యావరణ, కేంద్ర జల సంఘం నుంచి దాదాపు అనుమతులన్నీ లభించడంతో రాష్ట్ర ప్రభుత్వం పాలమూరు-రంగారెడ్డి ప్రాజెక్టుపై దృష్టి సారించింది. పాలమూరు-రంగారెడ్డి ఎత్తిపోతల పథకం మొదటి దశకు అటవీశాఖ అనుమతి లభించింది. ఈ మేరకు కేంద్రం నుంచి రాష్ట్ర ప్రభుత్వానికి గురువారం సమాచారం అందింది.