హైదరాబాద్, మే 26: హైదరాబాద్‌లోని ఇంగ్లీషు, ఫారెన్ లాంగ్వేజెస్ యూనివర్శిటీ (ఇఫ్లూ) కి నేషనల్ అసెస్‌మెంట్ అండ్ అక్రిడిటేషన్ కౌన్సిల్ (నేక్) గుర్తింపు లభించింది. యూనివర్శిటీ ఉన్నత ప్రమాణాలతో పనిచేస్తోందని పేర్కొంటూ నేక్ ఎ గ్రేడ్‌ను ఇచ్చింది. 2000 సంవత్సరంలో నేక్ తొలిసారి ఇఎఫ్‌ఎల్ యూనివర్శిటీకి ఐదు నక్షత్రాల గ్రేడ్ ను ఇచ్చింది. అప్పట్లో ఇఫ్లూ పేరుతో డీమ్డ్ వర్శిటీగా ఉండేది.

హైదరాబాద్, మే 26: భోగాపురం అంతర్జాతీయ విమానాశ్రయం నిర్మాణానికి సేకరించనున్న భూముల విషయమై కోర్టులో పిటిషన్ దాఖలు చేసిన రైతులను తదుపరి ఉత్తర్వులు వచ్చే వరకు వారి భూమి నుంచి కదల్చరాదని హైకోర్టు ఏపి రెవెన్యూ అధికారులను ఆదేశించింది. ఈ ఆదేశాలను హైకోర్టు న్యాయమూర్తి జస్టిస్ ఏవి శేషసాయి జారీ చేశారు.

విజయవాడ, మే 26: ప్రధాని మోదీ నాయకత్వంలో కేంద్ర ప్రభుత్వం రాష్ట్భ్రావృద్ధి పట్ల కృతనిశ్చయంతో ఉందని, దీనిపై విపక్షాలు అవగాహన లేకుండా మాట్లాడుతున్నాయని బిజెపి రాష్ట్ర అధ్యక్షుడు, విశాఖ ఎంపి డాక్టర్ కంభంపాటి హరిబాబు అన్నారు. ఎపి పునర్విభజన చట్టం ద్వారా రాష్ట్రానికి సహాయాన్ని అందిస్తూనే వున్నామన్నారు.

హైదరాబాద్, మే 26: ఉబ్బసం రోగులకు జూన్ 8న బత్తిన సోదరులు పంపిణీ చేసే చేపమందు కార్యక్రమానికి భారీ ఏర్పాట్లు చేయాలని తెలంగాణా ప్రభుత్వ ప్రధాన కార్యదర్శి రాజీవ్ శర్మ అధికారులను ఆదేశించారు. దేశవ్యాప్తంగా వివిధ రాష్ట్రాల నుంచి భారీ సంఖ్యలో చేపమందు కోసం హైదరాబాద్‌కు తరలి వచ్చే ఉబ్బసం రోగులకు అసౌకర్యం కలుగకుండా చూడాలన్నారు.