హైదరాబాద్, సెప్టెంబర్ 20:ఆంధ్ర-తెలంగాణ రాష్ట్రాల నీటి తగవు ఎట్టకేలకు కేంద్రానికి చేరింది. తెలంగాణలో నిర్మించనున్న పాలమూరు-రంగారెడ్డి ఎత్తిపోతల, డిండి ప్రాజెక్టులకు వ్యతిరేకంగా సుప్రీంకోర్టులో ఒక రైతు రిట్ పిటిషన్ దాఖలు చేయడంతో, ఇరు రాష్ట్రాలతో అపెక్స్ కౌన్సిల్ ఏర్పాటుచేయాలని సుప్రీం ఆదేశించింది. అజెండాలో తెలంగాణ ప్రభుత్వం సూచించిన అంశాలను కూడా చేర్చాలని కేంద్రం నిర్ణయించింది.

విశాఖపట్నం, సెప్టెంబర్ 20: నవ్యాంధ్రప్రదేశ్‌లో విద్యుత్ పంపిణీ సంస్థలు రూ. 11 వేల కోట్ల మేర రుణభారం మోస్తున్నాయని ఆంధ్రప్రదేశ్ విద్యుత్ నియంత్రణ మండలి చైర్మన్ జస్టిస్ జి భవానీప్రసాద్ పేర్కొన్నారు. ఎపిఈపిడిసిఎల్ కార్పొరేట్ కార్యాలయంలో మంగళవారం నిర్వహించిన విలేఖరుల సమావేశంలో ఆయన మాట్లాడుతూ ఈ భారాన్ని రాష్ట్ర ప్రభుత్వం మోయనుందన్నారు.

విజయవాడ, సెప్టెంబర్ 20: ఆంధ్రప్రదేశ్‌లో అతి పెద్ద రైల్వే జంక్షన్ విజయవాడ స్టేషన్‌లో 150 కోట్లతో జరుగుతున్న అధునాతన సిగ్నలింగ్ వ్యవస్థ పనుల కారణంగా బుధవారం తెల్లవారుజాము నుంచి రైళ్ల రాకపోకలకు అంతరాయం ఏర్పడింది. మంగళవారం ఉదయం నుంచే అన్ని రకాల రైళ్లను నిలిపివేయాలని నిర్ణయించినప్పటికీ అత్యధిక రైళ్లు యథావిధిగా నడిచాయి.

హైదరాబాద్, సెప్టెంబర్ 20: ఆంధ్రప్రదేశ్‌కు స్పెషల్ ప్యాకేజీ ప్రకటించిన కేంద్ర ప్రభుత్వం మరికొన్ని ప్రాజెక్టులకు, సంస్థలకు అనుమతి ఇవ్వడంతో పాటు నిధులను మంజూరు చేయాలని యోచిస్తోంది. ఈ క్రమంలో రాష్ట్రానికి స్పెషల్ ప్యాకేజీ కింద దాదాపు 2.50 లక్షల కోట్లు విడుదల చేసేందుకు వీలుగా సన్నాహాలు చేస్తోంది. ఈ నిధులు రానున్న ఐదేళ్ల వ్యవధిలో విడుదల చేస్తారు.