హైదరాబాద్/శామీర్‌పేట, జూలై 9: నల్సార్ న్యాయ విశ్వవిద్యాలయం రిజిస్ట్రార్, ఎయిర్ అండ్ స్పేస్ లా లో నిష్ణాతుడైన ప్రొఫెసర్ వి బాలకిష్టారెడ్డికి శ్రీలంక రాజధాని కొలంబోలోని జనరల్ సర్ జాన్ కోటేలవల డిఫెన్స్ యూనివర్శిటీ నుండి ఆహ్వానం అందింది. డిఫెన్స్ యూనివర్శిటీలో న్యాయ శాస్త్ర విద్యార్థులకు అంతర్జాతీయ న్యాయం, అంతర్జాతీయ స్పేస్ లా అంశాలపై బోధించేందుకు బాలకిష్టారెడ్డిని ఆహ్వానించారు.

హైదరాబాద్, జూలై 9: ‘జిహాద్ అంటే ఇస్లాం కోసం చావడం కాదు, ఇస్లాం కోసమే బతకడం’ అని మజ్లిస్ పార్టీ అధ్యక్షుడు, లోక్‌సభ సభ్యుడు అసదుద్దీన్ ఒవైసీ అన్నారు. దారుస్సలాంలోని పార్టీ కార్యాలయంలో శనివారం జరిగిన ఒక కార్యక్రమంలో పార్టీ కార్యకర్తలను ఉద్దేశించి అసద్ ప్రసంగిస్తూ ఉగ్రవాదులపై విరుచుకుపడ్డారు. వాళ్ళు నరకలోకపు కుక్కలు, ఇస్లాం పేరిట అమాయకుల రక్తం తాగుతున్నారంటూ మండిపడ్డారు.

హైదరాబాద్, జూలై 9: ‘మెడికల్ సీటు గ్యారెంటీ...లేకపోతే ఫీజు వాపస్’ అంటూ శ్రీచైతన్య విద్యాసంస్థలు జారీ చేసిన ప్రకటనలపై ఇటు తెలంగాణ, అటు ఆంధ్రా ప్రభుత్వాలు తీవ్రంగా స్పందించాయి. ‘ష్యూర్ నీట్’ అంటూ శ్రీచైతన్య జారీ చేసిన ప్రకటనపై సంజాయిషీ ఇవ్వాలని ఆంధ్రప్రదేశ్ మానవ వనరుల మంత్రిత్వశాఖ నోటీసులు జారీ చేసింది. తెలంగాణ ఉన్నత విద్యాశాఖ సైతం ఈ నోటీసులను ఒకటి రెండు రోజుల్లో పంపనున్నట్టు తెలిసింది.

హైదరాబాద్, జూలై 9: తెలంగాణ మెడికల్ కాలేజీల్లో ప్రవేశానికి శనివారం నిర్వహించిన ఎమ్సెట్-2కు ఒక్క నిమిషం లేదా అంతకంటే తక్కువ సమయం ఆలస్యంగా వచ్చిన దాదాపు వందమంది విద్యార్ధులు పరీక్ష రాసే అవకాశం కోల్పోయారు. కొద్ది సెకెన్లు ఆలస్యంగా వచ్చిన అభ్యర్ధులను సైతం పరీక్ష కేంద్రాల్లోకి అనుమతించకపోవడంపై తల్లిదండ్రులు ఆగ్రహం వ్యక్తం చేశారు.